நகைப்பெட்டி

நான் கொண்ட உரு

மாறவில்லை

நான் வைத்திருக்கும் பொருட்களும்

மாறவில்லை

நான்கு, ஐந்து பரம்பரை

தாண்டியும்

துலக்கி வைத்த

வெள்ளிச் செம்பாய் - நான்

கைகள் மட்டும் மாறுகிறேன்

இன்றும்    

வரதட்சணையாய்!!!

/வி. பாலா/-

bala.vkp@gmail.com

99761 44451 

பணப்பெட்டி

என் வீட்டின்
பூஜையறையில்

மிக முக்கிய இடமெனக்கு

எவரும் எளிதில் 
தொட்டுக் கூடப்

பார்க்க இயலாப் பாதுகாப்பு!

தாயானாலும் 
பிள்ளையானாலும் 
மனைவியே ஆனாலும்,

தள்ளி நின்றே 
பார்த்துக் கொள்ளலாம்!

என்னுள் இருக்கும் 
காகிதத்தாலே

எனக்கிந்த பெருமை!

அதில்  

வங்கியிலிருந்து 
நேராய் வந்த

வாசமும் இருக்கும்!

வலிகளோடு 
வாங்கி வந்த

ரணங்களும் இருக்கும்!

பணம் என்ற அந்தத் தாள்

எப்படி வந்தால் என்ன

இந்த மனிதர்க்கு?

/வி. பாலா/-

bala.vkp@gmail.com

99761 44451 

அஞ்சல் பெட்டி

அணு ரகசியம் முதல்

அண்டை வீடு, அண்டமென

அனைத்தைப் பற்றிய

தகவல்களையும்

அங்கிங்கென எங்கும்

சேர்த்து வந்தேன்

சேதாரமின்றி!

எத்தகைய தகவலும்

என்னுள் விழுந்தே

எங்கும் சென்றது

வெடிகுண்டுகளுக்கும்,

இயற்கைப் பேரிடர்களுக்கும்

நடுவே நலமாக!

ஆண்டுகொரு முறையாவது

அட்டைகளை அனுப்பி

அன்பைப் புதுப்பித்து புதுப்பித்து

வளர்ந்தது மனிதம்!

அஞ்சல் வழியில்

அறிவியல் வளர்த்த அறிஞர்கள்

ஆய்ந்தறிந்த அலைபேசி, கணினி

ஆகியவற்றால் அழிந்து வருகிறேன் நான்.

யாரும் சட்டை செய்யாத

குப்பைத் தொட்டியாய்!  

/வி. பாலா/-

bala.vkp@gmail.com

99761 44451