அஞ்சல் பெட்டி
அணு ரகசியம் முதல்
அண்டை வீடு, அண்டமென
அனைத்தைப் பற்றிய
தகவல்களையும்
அங்கிங்கென எங்கும்
சேர்த்து வந்தேன்
சேதாரமின்றி!
எத்தகைய தகவலும்
என்னுள் விழுந்தே
எங்கும் சென்றது
வெடிகுண்டுகளுக்கும்,
இயற்கைப் பேரிடர்களுக்கும்
நடுவே நலமாக!
ஆண்டுகொரு முறையாவது
அட்டைகளை அனுப்பி
அன்பைப் புதுப்பித்து புதுப்பித்து
வளர்ந்தது மனிதம்!
அஞ்சல் வழியில்
அறிவியல் வளர்த்த அறிஞர்கள்
ஆய்ந்தறிந்த அலைபேசி, கணினி
ஆகியவற்றால் அழிந்து வருகிறேன் நான்.
யாரும் சட்டை செய்யாத
குப்பைத் தொட்டியாய்!
/வி. பாலா/-
bala.vkp@gmail.com
99761 44451
0 கருத்துகள்:
கருத்துரையிடுக
இதற்கு குழுசேருக கருத்துரைகளை இடு [Atom]
<< முகப்பு